Jaceylkaaga Waxaan Dareemay Kulankeenii Indhaha, Balse Wuxuu Ku Dhex Milmay Kulankeenii…. “Xikmadaha Jaceylka Isbuuca”

Published: October 12, 2013, 12:01 am | Updated: October 11, 2013 8:29 pm

Waxeey mahadi oo idil u sugnaatay ALLAAH kaasoo nagu kulmiyay Qodobadii jaceylka ahaa ee isbuuciiba hal mar aad ka daalacataan shabakada kobciye.com.

Maanta hadana waxaan idiin wadnaa jumlooyin gaagaaban oo ka turjumayo macnaha dhabta ah ee jaceylka, hadaba shabakada kobciye.com waxeey talo ahaan kuu siineeysaa inaadan erayadaan u adeegsan qof aadan jecleyn, ama si qayaano ahba..

Weey igu adagtahay inaan maskaxdeyda ka dhaadhiciyo ineey ku nacdo, maxaa yeelay weli waxaa dhaqdhaqaaqayo wadnihii ku jeclaaday, sidaa awgeed intaan qalbigaan leeyahay kuma nici karo xabiibi.

Magacaaga waxaan ku qoray cirka waxaa qariyay daruuraha, hadana waxaan ku qoray dhulka waxaa tirtiray biyaha roobka ugu danbeyntii waxaan ku qoray wadnaheyga hadana waxaa baabi’iyay xinjiraha iyo dhiiga kasoo dareeray qalbigeyga, sidaa awgeed magacaga wuxuu ku dhex milmay xinjiraha wadnaheyga….

Nolol aan jaceyl laheyn waxeey la mid tahay sanad aan laheyn Summer “Xagaa ama wakhtiga kuleylaha”..

Adiga iyo aniga waxaan doonayaa inaan wadaagno wax kastoo aduunyada dusheeda ah, sida aad iila wadaagtay jaceylka ku dhex jiro wadnaheyga..

Ma jeclaan karo qof aan la’aantiis noolaan karo, ee waxaan jeclaadaa qofka aan la’aantiisa noolaan karin, waxaana xaqiiqo ah macaan inaan adigu la’aantaada noolaan karin.

Inaan adigu ku iloobo maahan wax marnaba suurto geli karo, sida aaysanba u suurto galeyn inaan xasuusto qof aan ebidkeey la kulmin….

Jaceylkaaga waxaan dareemay kulankeenii indhaha, balse wuxuu ku dhex milmay kulankeenii qalbiga, wuxuuna dhamaan doonaa marka wadnaheyga dhaqdhaqaaqa joojiyo….

Intaasi ayaan kusoo koobayaa maanta iyo qodobadii jaceylka ahaa ee aan ugu talo galay mucaashiqiinta soomaaliyeed, intaan dib ugu kulmi doono barnaamijkaan xiisaha badan ee aan isbuuciiba mar kusoo qaadano shabakada kobciye.com waxaanu idiin kaga tageynaaa nabaadiino…..

W/D Ibrahim Ali Abdi “Kalafoge”

Fikradaada Dhiibo Hadad Facebook Isticmaaleysid..

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>