Shabakada kobciye.com akhristayaasheeda isbuucii tagay waxaanu weeydiinay Hal halxidhaale, balse waxaa jawaabo faro badan ina soo gaarsiiyay akhristayaal badan, balse intooda badan ayaa haleelay ama ka jawaabay hal su’aal.

Xusuusnoow dadka qeybta hoose ee fikradaha kusoo jawaabay marna masoo qaadan doono ineey ka jawaabeen waayo taasi waa qalad qofkii jawaabaha halxidhaalaha haleelaa waa inuu email inoo soo diraa soona raaciyaaa magaciisa oo sadaxan emailka aad kusoo diri karto waa lovewithpromise143@hotmail.com

Hadaba  intaad u daadagin halxidhaalaha isbuuca aan soo qaato dhowrkii qof ee si toos ah u haleelay jawaabaha sidii la rabayna ugu soo jawaabay iyo sidee u kala horeeyaan.

1= mustaf abdi sheikh abdullahi

2= c/laahi sh cali maxed (farxaan)

3= Mahamed xaaji axmed(father of love)

4= naciimo c/laahi axmed

5= cabdicasis maxamed qoslaaye

6= SAADAQ ABDI KARIIM WARSAME

7= Max’ed deq Deeqsane

8= axmed khabiir

9= Ahmdahir Mohamud Hersi(WADANI)

10= Naciimo Ahmed Mahamed

11= Hassan Ade

12= saciid cabdi cali (s.c.c)

Hadaba hadii aan ka jawaabo suaashii isbuuci hore.

J: Sheeyga makhluuqa ALLE kamid ah oo markey wax u siyaadaanba sii naaqusaya waa Cimriga bini’aadanka..

Hal Xidhaalaha Labaad Maanta Ee bisha June.

S: Waxaad Sheegtaa Magaca Malaga Jannada Furraheeda Haayo.???

Hogaamiyaasha Bisha June Iyo sida Loo Kala Horeeyo.

1= SAADAQ ABDI KARIIM WARSAME Labo Dhibcood

2= Max’ed deq Deeqsane Labo Dhibcood

3= axmed khabiir Labo Dhibcood

4= Ahmdahir Mohamud Hersi(WADANI) Labo Dhibcood

5= saciid cabdi cali (s.c.c) Labo Dhibcood

Xusuusnoow Inaadan dhanka hoose kusoo qorin hadii aad haleeshay jawaabta halxidhaalaha ee aad email inoogu soo diri kartid adigoo magacaga o sadaxan soo raacinayo lovewithpromise143@hotmail.com

Dadkii bisha may wada guuleystay shantii qof weli halxidhaalihii lagu kala reebi lahaa lama soo saarin anagaa si qaas ah ula xiriiri doono.

Akhristaha kobciye.com xusuuso in suaalahaan labo soon ka hor aay ka baxeyn shabakada kobciye.com xiligaasi oo sheikha xafiiska kobciye.com noo joogay akhristayaashana si toos ah jawaabahooda xiligaasi aay u helayeen.

Qof Weliba oo kobciye.com ka mid ah waxaan filayaa inu suaalahaan taxanaha noo ahaan doono ka dhex heli doono suaasha uu raadinayo jawaabteeda maadaama suaalaha aad u faro badanyihiin.

Billoowga suaalaha taxanaha qeybta Shanaad.

S: asalamu caleykum shiiqow waxaan qabaa suaal ku saabsan soon aan balan qaaday oo halmalin ahaa oo aan dhahay ilahow hadaan america tako maalinta aan tagaba waan soomaayaa lakiin nasiib daro maalintaan imid subax ayeey eheed ma soomi karin hadana waxaa dhacday in eey igu qaadatay shan sano in aan gudo maxaan sameeyaa shiiqow hadana soonkii caadiga ayaanba ku jirnaaye marka soonka dhamaado miyaan gudaa maxaase igu waajib ah.

J: wcswrb Walaal maalintaas waxaa loo yaqaanaa soon nadir ah, waana waajib inaad soontid nadarkaas aad gashay, Xattaa hadeey kazoo wareegato sanadaha aad nooshahay inta noloshaada waa inaa soontaa maalintaas waa soon lagugu leeyahay. Wallahu Aclam.

S: asc  shiikh,  ramadaan kariim waad mahadsantahay jaaniskaan aad na siisay aad nooga iideeyneeyso cilmigaada jzk suaasheeyda waa sedex, mida koowaad waa soonka mala soconkaraa saudi arabia anoo joogo norway, dad badan oo derisnahay ayaa saas sameeyo waxeey la anfuraan sacuudiga.mida labaad waa hooyadeey oo duqoowday saaid ma laga rabaa soonka?  mida ugu danbeeyso waa nin lixsano aan isoo xiriirin oo marna i dhahay waan ku furay bil kadibne kuma furin, hadii eey kasoo wareegtay ilaa lixsano nin kale ma guursan karaa inaan iska fasaqo? wasalaamu aleykum waraxmatulaahi wabarakaatuhu.

J: Suuasha 1aad Oo ah mala afuri karaa saudiga amigo Norway jogo, Waxey kuxerantahay shacabka muslimiinta ah aad lanooshahay xiligee afuraan ayaad la afureysaaa qaasatan masaajida xiliga laga afuro. Suaasha 2aad Hooyadey oo said uduqowday soon Malaga rabaa, jawaabta waa HAdii sidaa sheegeysid aay said uduqowday aaysan Karin soon Malaga rabo lakin badalkaas waxey bixineysaa Fidyo oo ah maalin weliba in laquudiyo miskiin maalintii halmar 30ka beri ee soonka. FG: hal maalin 30 miskiin waad quudin kartaa hadad awoodo hadii kale 30ka maalin miskiin ayaad maalintiiba mar quudineysaa. Suuahaada 3xaad Oo kusaabsan ninka mar kufurayo marna kuma furin, Sidaad lasocotaba dalaaqa waa 3 mar, sidaad sheegeysana waxa kamuuqato suaashaada ninkan inuu marar badan kufuray, adigoo arinkaas illaahey ugu cabsanayo haduu ninkaaga 3jeer kufuray cudadaadana kazoo wareegatay fasaq uma baahnid ninkaad doonto waad guursan kartaaa. Wallahu Aclam.

S: asc sheikh waxaan rabaa  in aan ku weeydiiyo su aal ka baxsan radamaan ka taas o ah. aniga waxaan dhigtaaa iskul marka gabar muslin ah anigaa ka dhigto marka waan is asturaa lkn waxaa jirtaa malin lalee yahay jimicse marka gabdhaha dhan waxee isku la garaayaan saxiiibo saaxibo marka aniga waxaa qolka ila kalaa 3 gabdhood marka aniga waxaa iska badalaa goonada iyo iyo qamaarka marka anigoo sarwal wado hadee i arkaa o qoorteda arkaan danbi miyaa waana gabdho qaangaar ah mahadsanid.

J: WCWRB Walaal Arinkaan aad sheegeysid qeybaha waxbarashada waxaa looyaqaanaa P.E marka arinkaa wax banaan maahan marnaba sababtoo ah gabadha muslinka ah waa kaxaaraan in jirkeeda la arko ama aay qaadato dhar jirkeeda sawiraa ama qafiif ah. AMaa arinkaa gabdhaha aad qol kudhar badalaneysiin mabanaano in la arko wax jirkaada kamid ah marka laga reebo wejiga iyo gacmaha. Qaasatan Ragga, dumarka gaalada ah aan muslimiinta aheyna waa lamid ma banaano iney jirkaada arkaan Wallahu Aclam.

S: asc wr wb wankusalamay shq iyo dhaman muslimiinta waxan leyahay melkastoo joogtiin ramadan kariim shq  ajir iyo xasanaad anlasoo koobi karin  alaha kasiiyo miisanka qiyamana alaha kusaro wax yabaha ad wado shq waxan wataa 3 su aal ookala ah waxaa jiro gabar walashey ah oo xaamilo ah mana awoodo soonka marka dad aya kudhahay maskiin quudi adna waxey ku dhaheen walagaraba marka ma maskiin bey quudisaa oo masasba looga cafinaya mise markee umusho ayey gudineeysaa  tan lawaab waxa jiro soon oo qalo ah marka hadaana soomo bisha ciida kuxiga ee shawaal hadan soomo waxa jiro wadac 6 maalin  ah marka dad aya igu yiri kii qaladana wad gudeysa kan ajirkiisana wad heleeysaa oo malintiba 2 ajir ayad heleysa maxakajiro tas tan 3 qof sooman falimbo maqaadan kara ama cirbad  jirka.

J: WCWRB Ramadaan kareem adne sidoo kale. Suaashada 1aad Gabadha Xaamilada ah, Qofka dumarka ah ee xaamilada ah ama nuujineyso hadii aay nafteeda ama ilmaheeda kudhibaatooneyso soonka waa aay isku dhaafeysaa badalkiisana waxey bixineysaa fidyo In maalintiiba maskiin aay quudiso hal mar ayeyna dharjineysaa maalintiiba waana sida sunnada ah, hadii aay rabtana dib waa aay kazoo qaleyn kartaaa ayadoo wax fidyo ah kudareyn. Suasha 2aad Oo ah adoo qalo lagugu leeyahay wadac masoomeysaa ajarkana mawada heleysaa Jawaabtu Waa maya ayadoo soon qalo ah lagugu leeyahay,soonka waajibka ah ayaad horta soomeysaa kadibna hadii bisha shawaalna maalmo 6 beri dhan kaharsanyihiin wadaca ayaad soomeysaa si aad ajarkii wadacana uhesho. suuaashada 3xaad qof sooman falembo maqaadan karaaa. Jawaabtu waa Maya sababtooa h falembada waa nafaqo qofkii ayey afurineysaa ama hadii aay tahay cirbad aan nafaqo aheyn waa aay qaadan kartaa Wallahu Aclam.

S: asckum wr wpr ramadaan karim dhaman musliminta mel kasta ad jogtan su,aashedu waxe tahay 3su,aal waxan joga mel qurba ah Oo hadana tuula ah mana iidhawo masajid waxow iijira 200k/m musliminta iidhawna waa in yar waqtiga anfurka wan isla wadagna lakin waqtiga saxuurta wankala daneesana xiliga saxurta ayan kujahwareray sh,c/rahman masaxuran kara ayadow bananka mugdi yahay sacaduna 5:0am etahay? su,asha2 waxan qaba gaas ama labjex hadu anigow sooman igu kaco maxan sameya? su,asha3 anigow og maku dharan kara dhaar ben abuur ah Oo niyadana an gashatay kudharo been hadhow ayad kafaro gud sameen? ALAH HAKAA ABAL MARIYO JAWAPTA ISIN DOONTO INSHA ALAH .

J:  WCSWRB Suaasha 1aad ee suxuurta ah. Jawaabtu waa Waxey Kuxerantahay cimilada aad joogtid 5:00am makuqayaasi karo halkaad joogto lakin Waxaad kuqayaasan kartaa waqtiga salaada subxeed aay soo gasho suxuur waa dhamaatay. FG: masaajida muslimiinta haba kaafogaadeenee isku day inaad kazoo ogaato jadwalka salaadaha si aad u ogaato mid weliba goorta aay soo galeyso. Suashada 2aad gaas hadu igu kaco maxan sameynayaa? Jawabtu waxey kuxerantahay xanuunka kuqabanayo intuu la egyahay. Hadii xanunka uu kugaarsiinayo heer aadan wadi Karin soonkii waad afureysaa kadibna xanuun ayaa loo ictibaarinayaa markaad reysato ayaad dib kazoo gudeysaa hadise xanun ad soonkaaga kuwadan kartid uu yahay soonkaaga waad dhameysaneysaa adiga oo xanunsan insha allah ajir kaagana waad heleysaa. Suaashada 3xaad dhaar ben ah anoo og makudhaaran karaaa? Jawaabtu waa Maya dhaar been ah kuma dhaaran kartid kuuma banaano hadii aaysan jirin dhib weyn aad naftaada kubadbaadineysid iyo wixii lamida ah sababtoo ah cayaar cayaar diinta alle lagu cayaarayo ayey noqoneysaa. Wallahu Aclam.

S: asc sheikh salan kadib waxan rba in an waydiyo sual waxan joga south africa waxan gadaa dukan rashin bisil sida rootika cabitanka iyo sigarka marka sheikh arinkaas wax dhib ah ma ika iman karan dadkane wa gaalo mar mar aktayda ayay ku cunayan jwb wcn jazaka alhu al kheyr.

J: WCSWRB suaashaan xalayna horay waa noo soo martay baaritaankeeda oo sax ah ayan kugudo jiraaa Marka ugu horeyso aan helo waan soo saari doonaa insha Allah Wallahu Aclam.

S: asc sheekh ramadaan kariim aniga suaal aan ku weediinaa waxaana ka codsanaa maamulka Kobciye.com ineey ii tixgiliyaan suaasheeyda qeyr allaaha idin siiyo. waxeeyna tahay waxaan joogaa yurub meel kamid ah waana shaqeeyaa .  waxaan ka shaqeeyaa sheekhoow maqaayad oo wax walbo lagu gado raashinka nuucyadiisa kala duwan.

kan xaaraanta iyo kan xalaayaasha doonfaarka iyo qamrigaan ula jeedaa kuwa xaaraanta .aniga waxaan dhaqaa alaabta  marka lacagtaas see waaye .iyadoo eey ku xerantahay waraaqda dal ku jooga. meesha shaqadeeda ee aad adagtahay in la helo muqaayad mooyee. lacagtaas xalaal miyaa sheekhoow
wabilllahi toofiiq.

J: WCSWRB Anagoo kutixgelineyno suaashaada sided codsatayba jawaabtu waxey tahay, Maadaama Shaqadaadu tahay nadaafad insha ALLAH lacagtaas aad kaqaadatay waxba kuuma dhimeyso xalaal bey kuu tahay, Laakiin waxaad baadi goob adag u gashaaa shaqo kaga wanaagsan midad sheegtay weliba shaqadaas oo kugu wanaagsan xag diiniyan iyo aduunba, inta aad meesha kashaqeyneysidna iska illaaali inaaad maqaayada kanoqotid kuwa kariyo ama kuwa cuntadaas dadka ugeeyo, nadaafada uun ku ekoow Wallahu Aclam.

S: Magaceygu wa anisa shekha wan salamaya iyo webka salanta islamka asalamu calaykum ramadaan kariim ayan leyahay dhaman musliminta mel kastoo ey jogan waxan raba shekh inan ku wediyo su,al 1/waxan ahay gabar xaamilo ah bilihi dambe ayan ku jiraa waan awoodaa soonka inaan soomo al xamdulilah sowjkeygana wuxuu igu qasbayaa inanan soomin wuxu leyahay waxa lga yaba tabar daro sonka inu kugu rebto oo dhalmada ku dhibtoto marka dib ayad ka gudesaa iminkadan ha soomin shekh ma surta galbaa anigoo awooda soonka inan afurnaado sida dadka xanunsanaya ama fasaxa ah ajir allaha kaa siiyo shekh.

J: WCSWRB Walaal sida aad sheegeysid Hadii aad Marba aad awoodeysid inaad soonkaaga wadatid waad wadaneysaa soonkaaga ajar badana allaha kaasiiyo, hadiise aad kudhibtooneysid waqti xaadirkan (kama hadleyno wax imaan doono mustaqbalka) amaba aad canugagi ubaqdid in dhibka kaga gudbo waad afureysaa badalkeedana waxad bixineysaa fidyo inaad quudeysid qof maskiin ah maalin weliba sida sunnada ah.

Webilaahi Towfiiq

Qeybaha Danbe Dhawaan Kala Soco Kobciye.com

Hadaba Sheeko Layaab badan oo ka dhacday Dal kamid ah dalalka aysan Muslimiintu ku badneen ayaa na cajiib galisay Kobciye.com ahaan waxaana jecleysanay inaan usoo bandhigno Akhristayaasha sida weyn ugu xiran Shabakadan.

Wiil iyo Aabihiisa oo Gaal iyo Muslim kala ah ayaa aabihii oo aan heysanin Diinta islamka wiilkiisa ku yiri , Aabo waqti walbo Salaadan aad tukato waa imisa Maalintii , kolkaas ayuu ku jawaabay wiilkii Shan waqti waaye aabo oo dhib malahane maad iska soo islaamtid ayuu aabihiis sii weeydiiyay.

Aabihii ayaa ku jawaabay Maalin kasta waad tukataa Salaadahan soo ma’aysan soo noqonayaan salaad walbo xiliga beri xigta oo kale , Duhur walbo waqtigaan oo kale waad tukataa berina way imaanaysaaye soo iskama dhaafi kartid.

Wiilkii ayaa si xikmadeysan uga jawaabay wuxuuna yiri aabo , Maalin kasta Duhurkii iyo Habeenkii waqtiyo siman ayaad Cuntada cuntaa , waxaad joogteeysaa cabista biyaha , Bal kawaran Maanta hadii aad iska deyso ood beri ka dhigato Cuntada.

Aabihii dhalay wiilka ayaa durbaba dareemay xikmada uu wiilkiisa ku hadlay wuxuuna ugu Jawaabay Aabo waa sax la iskama dhaafi karo Cuntada waayo masii noolaan karno hadii aanan biyo iyo Cuntada ku dadaalin.

Wiilkii oo aad u faraxsan ayaa ku jawaabay Salaada iyo Adkaaraha hadii aan iska daayo sidaas ayeey nolosheydu noqoneysaa , Allihii cuntadaan iyo Biyahaan si nabad kugu siiyey haku caasinin ayuu wiilkii aabihiis ku yiri.

Nasiib wanaag Hanuunka Alle ayaa iska leh waxaa suurta gashay in Odaygii uu sidaas kusoo Muslimo , Waxaana Sheekadan laga qoray Buug aad u weyn Iyadoona faah faahsan waan isku dayi doonaa inaan soo banhdigno haduu EEBE idmo..

Waddankan Ingriiska (U.K) waxa lagu qiyaasay in uu sedexdii qof uu qoba hal qof uu hayo cudurka loo yaqaanno DHIIG-KARKA. Ururka U.K Blood Pressure Association (BPA) waxa uu ku qiyaasay in uu cudurkani ku dhaco dad ku dhow ilaa 16 Mallyuun oo ah daka da’doodu ay ka weyntahay 30 jir, oo weliba intooda badan aysan ogeyn.

Cudurka DHIIG-KARKA waxa hadda loo yaqaannaa “The Silent Killer”. Waayoo waxaa inta badan uu dadka ugu soo boodaa si kadis ah, wax astaamo ah oo lagu gartana  malaha, ilaa qofku gaaro xaalad xun mooyee.

In kastoo dhimashada la xiriira DHIIG-KARKA lagu qiyaaso ilaa SADDAX KUN sanadkii. Haddana waxa kaloo uu sababaa cudurada la xiriira wadne xanuunka oo ay dhimashadooda dhakhtarradu ku qiyaaseen ilaa boqolkun oo qof sanadkii.

Waa maxay DHIIG-KARKA?

DHIIG-KARKU (Blood Pressure) asalkiisu waa quwadda (amaba pressure ka) ka dhexdhacda xididada dhiigga qaada, marka uu Wadnuhu dhiigga ku tuuro jirka intiisa kale.

Waa Bereesharka ama quwadda uu Wadnuhu xiddidada ugu cadaadiyo dhiigga si uu u gaarsiiyo jirka oo dhan.

Waa maxay astaamaha Dhiig-Karku ?

Sidii aynu horeba u soo sheegnay cudurka DHIIG-KARKA waxaa loo yaqaannaa “The Silent Killer” (DILAAGA AAMUSAN!) tani waxa ay ka dhigan tahay in uu yahay xanuun aan astaan lahayn.

Haddaba arriinta ugu muhiimsan ee ay Dhakhtarradu ina farayaan waa muhiimadda ay leedahay DHIIG CABBIRKU. Waayo sida badanaaba dhacda waxa laga yaabaa in aanu qofku ogaan in uu DHIIG-KARKA qabo ilaa xanuunku soo rito oo uu dhib weynna uu geysto mooyee.

Sidaa daraaddeed waxa aad u mihiima ah in qofkii ka weyn 30 jir amaba ka mid ah dadka halista u ah in uu DHIIG-KARKA ku dhaco ay had iyo jeer Dhiiggooda cabbiraan.

DHIIG-KARKA aadka u daran calaamadaha uu keeno waxa ka mida:-

· Madax xanuun badan

· Hurdo badan

· Dawakhaad

· Iyo Kooma

QAYBAHA DHIIG-KARKA EE DADKA KA WEYN 18 SANOQaybaha

DHIIG-KARKA  Numberka hore ee loo yaqaan

(Systolic)          Numberka hoose ee

Loo yaqaan (Diastolic)

Normal (Caadi)  Wixii ka hooseeya 120   Wixii ka hooseeya 80

DHIIG-KARKA yar         120-139 80-89

DHIIG-KARKA

Xaalada 1          140-159 90-99

Xaalada 2          160 ama ka badan         100 ama ka badan

Cadaadiska Dhiigga waxa lagu qiyaasaa labo tiro. Cadaadiska Dhiiggu ee loo baahan yahay waa 120/80mmHg.

ü  Tirada hore ee (120) waa heerka ugu sarreeya ee cadaadiska Halbowleyaasha marka Wadnuhu soo ururo ee uu garaacayo si uu dibadda ugu saaro Dhiigga oo jirka u gaarsiiyo. (Systolic blood pressure)

ü  Tirada labaad ee (80) waa heerka ugu hooseeya ee cadaadiska Halbowleyaasha marka Wadnuhu is debciyo, si Dhiiggu u soo galo Wadnaha. (Diastolic blood pressure)

Heerka caadiga ah ee cadaadiska Dhiigga marka la cabbiro halbeeggu akhriyaa waa 120/80mmHg.

Haddaba waxa la dhihi karaa qofku waxa uu DHIIG-KARKA qabaa marka uu qiyaasta “Qquwadda” Dhiiggiisu ay ka badan tahay 120/80mmHg (millimeters of mercury).

Haddii aad ka weyn tahay da’da 30 jir ama aadan xusuusan karin markii u dambaysay ee aad iska baarto DHIIG-KARKA, waxaad ka mid noqon kartaa16 Malyuun ee DHIIG-KARKA qaba.

Dhakhtarradu waxay caadiyan isctimaalaan kalmadda “hypertension” oo ay ku fasireen xaalad sababi karta in qofku muddo sanado badan wax xanuun ah dareemin laakin keeni karta jah wereer qawaacid ah oo ay kamid yihiin Wadna xanuun iyo Daal fara badan.

Yaa halis u ah Dhiig Karka?

Dhakhaatiirtu waxa ay badanaa yiraahdaan mar kasta oo ay qofka da’diisu sii korayso waxayu horseedi karta inuu ku dhaco DHIIG-KARKA. Laakiin waxa ay u badan tahay in aad DHIIG-KARKA  yeelato haddii:

Hiddo aad u leedahay (Waa haddii Waalidkaa, Waalidkii, iyo Walaaladaa qabaan ama qabeen DHIIG-KARKA)

Jinsiyaddaadu hadday ka soo jeeddo (Afrikaan)

Aad Cudurka Macaanka ama Sokorowga  qabtid

uu miisaan kaagu aad u culus yahay

Aanad caadiyan samayn jimicsi ama aanad firfircoonayn

Aad Sigaar cabtid

Sidee loo baaraa DHIIG-KARKA?

Haddii aad rabto caawimo, warbixinno wacan ayaa jira. DHIIG-KARKA si fudud ayaa loo baari karaa. Dhakhtarka ama meel xarun caafimaad ayaa cabbiri kara Dhiigga si dhakhso ah oon xanuun lahayn. Haddii cabbirku ka sarreeyo intii caadiga ahayd waxaa cabbirka lagu celin doonaa mar kale ilaa saddex ama afar jeer, si loo hubiyo in cabbirkii u horreeyay wax is bedel ah lagu arkay iyo in kale.

Sidee Loo daweeyaa DHIIG-KARKA?

Haddii lagaa helo DHIIG-KARKA waxaa laga yaabaa inaad ka mid noqotid dad aad u badan oo aan u baahnayn wax daaweyn ah in muddo ah. Waxa DHIIG-KARKA lagu maalmuli karaa is bedel dhinaca noloshaaada ah.

Sida in aad cunto fiican cunto, jimicsi samaysid amaba aad firfircoonaatid, culayska iska ridid ama yaraysid lana socotid caafimaadkaaga. Haddii loo baahdo daaweyn, waxaa jira daawooyin badan oo waxtar leh oo loo qaato kiniin ahaan caadi ahaan hal xabbo maalintii.

Maxaan samayn karaa si aan iskaga ilaaliyo (amaba u maamulo khatarta) DHIIG-KARKA haddii la iga helo?

Qof kasta oo qaan gaar ha ama kor u dhaafa da’da dhexe waa in uu yaqaanna qiyaasta dhererkiisa, culayskiisa, cadaadiska Dhiigga iyo heerka dufanka Dhiiggiisa (cholesterol level).

Waxa aad iskaga ilaalin kartaa amaba u maamuli kartaa DHIIG-KARKA adigoo wax ka badela hab nololeedkaaga

Jooji cabitaanka Sigaarka

Hoos u dhin miisaankaaga

Jimicsi samee si joogto ah

Cun cunto kala duwan oo dheelli tiran

Hoos u dhig isteraskaaga “Buufis” adigoo iska ilaalinaya xaaladaha keenaya.

Isbedelladan haddii aad samayso waxa ay hoos u dhigayaan cadaadiska Dhiiggaaga. Waxa kale oo ay yareynayaan khatarta qaadintaanka DHIIG-KARKA.

Si guud marka loo eego, qofka uu si joogta ah uga sarreeyo Heerka tirade sare ee cadaadiska dhiigga (systolic pressure) 160 mmHg  ka hoosena (diastolic pressure) uu ka sarreeyo 100mmHg  waxa uu u baahan yahay daweyn hoos u dhigta heerka cadaadiska Dhiiga.

Dadka iyaguna in yar uu ka hooseeyo cadaadiska dhiiggoodu (140-159mmHg ka sare (systolic) ama 90-99mmHg ka hoose (diastolic) iyaguna waxa ay u baahan yihii daweyn haddii ay Khatar ugu jiraan in ay ku dhacaan xanuunnada faaliga (stroke) Laab Xanuun (angina chest pain).

Haddii DHIIG-KARKAagu u baahan yahay daweyn, waa in aad si joogto ah ula xiriirtaa Dhaqtarka, aadna qaadataa dawooyinka uu kuu qoro.

Si kastaba, waxaa hubanti ah in tani ay tahay nolol kooban, blase nolosha dhabta ah ee aan weligeed dhammaan doonin ay tahay tan beri, ama midda ka dambeysa geerida.

Su’aal: Maxaad u diyaarsan tahay noloshaada dambe. Video-gan hoosta ka muuqda oo ah filim gaaban oo Islaami ah, kana kooban 5 daqiiqo waxa uu ku tusi doonaa sida noloshaada isku beddeli karto il-biriqsi gudaheed, hadhowna aysan shalay wax tari doonin.

Video-gan, waxa uu sidoo kale koobi doonaa dhacdooyinka noloshaada iyo sida ay isu-beddelaan. Video-gan wuu kaa ilmeysiin doonaa, alle ayuu ku xusuusin doonaa, waxaana uu beddeli doonaa noloshaada….Insha Allah…ee nala daawo haddaan nahay bahda Kobciye.com

Dhakhaatiirtu waxya heleen in cuntooyinka khudaartu ku badan tahay ay caafimaadka qofka kor u qadaan, gaar ahaan khudaarta laga helo dhirta.

Cuntadaada ay ku badan tahay khudaarta iyo midhahu dabiicaga ah waxay ka hortagi karaan in cudurka kansarku hore kuugu dhaco amma caafimaadkaagu uu si fudud isku dhimo, sida cilmi-baadhistan caafimaad sheegtayna waa wax muhiim u ah dadka in ay cunaan si aan cudurradan halista ah ugu habsan,? ayuu yidhi Sakina Munistansir oo ah masuul ka socday xarun caafimaad oo ku taal magaalada Dubay oo ka mid ahaa khubarada daraasadan samaysay.

Ibraahim Khadar Siciid

Shah Rukh waxa uu galyaa qalliin deg deg ah buu galaya, kadib markii garabka midig dhaawac soo gaadhay isaga oo ku guda jira samaynta filimka la yidhaa Ra One, balse intii uu dhaawacu ku yaalay jilistiisa wuu dhammaystirta,? waxa sidaas warbaahinta u sheegay ilo xogogaal ah oo ka ag dhaw jilaagan caanka ah ee ka tirsan shirkadda Bollywood.

Ibraahim Khadar Siciid

Phyllis Cook oo 85 jir ah ayaa la aqalgashay Mr. John Plommer oo 85 jir ah, waxaanay arrintan noqotay mid ku soo baxda warbaahinta dalka Ingiriiska.

Lamaanahan ayaa barashadoodii hore ahayd mid saaxiibtinimo, balse aakhirkii waxa Mr. John wuxuu Phyllis u soo bandhigay inay is guursadaan, waxaannu meherkoodu dhacay bishii hore, waqtigana waxa dhacay aqalgalkoodii.

Lamaanahan ayaa waqtigan loo qabanqaabiyey in ay dalxiis ku tagaan degaanka Wales ee dalka Ingiriiska si ay ugu soo qataan bisha hore ee la yidhaa bisha malabka.

Waxay ahayd arrin cajiib ah, waxa xaflada ka soo qaybgalay saaxiibo badan, ma nihin lamaane 21 jir ah, balse waxaannu nahay dad aad isugu dhaw meel kasto oo aanu ku nool nahay, ayey tidhi  Phyllis.

Mr. John , ayaa laf ahaantiisu sheegay inuu aad ugu faraxsan yahay jacaylkooda waayeelnimada ku haleelay, waxaannu yidhi; ?Xaaskaygii hore waxaan waayey oo ay geeriyootay March 2012, kaligayna waxa igu dhib noqotay inaan sariirtayda haajisto, beertana xanaaneeyo, guriguna cidluu igu noqday, jacaylkaygiina wuu cusboonaaday, Phyllis waxaannu is aragnay sannadkan horraantiisii, waqtigii debaaldega bilawga sannadka lagu jiray, inta badana maalintii way ila joogtay, waxaanan rajaynaya in guurkayagu uu saaxiibtinimo iyo farxad noo keeni doono, noloshana aanu qaybsan doono.?

 Ibraahim Khadar Siciid

Wiilkan dhallinyaradda ah ee Soomaaliga ah oo lagu magacaabo Ahmed Omar Mohamed, ayaa lagu soo waramayaa in bishii Siddeedaad ee sanadkii 2012-ka ay maxkamad ku taala magaaladda Hening, ee dalka Denmark ay riday Lix sano xadhig ah iyo in laga mastaafuriyo dalka Denmark ay ku xukuntay wiilkan 18 jirka ah ee Soomaaliga ah ee dacwadan kufsiga ah lagu soo oogay.

Warku waxa kale oo uu intaa ku daray in Qareenkii u doodayay wiilkan eedaysanaha ah ee Soomaaliga ah oo rafcaan hore u qaatay xukunkan awgeed in shalay ay dib u dhegaysatay Maxkamad ku taala dalka Denmark xukunkii eedaysanahan hore loogu riday taas oo keentay in ay maxakamdu dib u go aamiso in eedaysanahan Soomaaliga ah laga dhimo xukunkii xadhiga ee Lixda sano ahaa isla markaana saamaxday shuruudna ku xidhay go aankii lagu mastaafurinayay eedaysanahan..

Natiijadan go aamada ah ee danbe ee ay maxkamadu dib ugu khafiifisay xukunadii hore loogu riday wiilkan yare e eedaysanaha ah ee Soomaaliga ayaa si weyn uga cadhaysiiyay waalidkii dhalay inantii dhibanaha ahayd ee 10 jirka iyo guud ahaanba dadka Danishka ah ee dalkaa u dhashay ka dib markii natiijadda maxkamada ee xukunka eedaysanahan lagu khafiifiyay laga baahiyay oo laga daawaday mid ka mid ah Idaacadaha la iska arko ee Telefishinada dalkaa loogu daawashada badan yahay oo lagu magacaabo TV2.

Xeer Illaaliyaha guud ee dalka Denmark, ayaa la cadeeyay in uu haysto oo kaliya muddo ku siman Afar Iyo Toban maalmood oo kaliya in uu go aan kaga gaadho in uu aqbalo oo uu ku qanco xukunkan Maxkamadda iyo in uu Rafcaan uga qaato xukunkan Maxkamadda sare ee dalkaas.

Dhinaca kale, Aabaha dhalay Inantan yare ee dhibanaha ahayd ee la sheegay in uu eedaysanuhu kufsaday iyo madax ka tirsan hay adaha u dhaqdhaqaaqa illaalinta xuquuqal Insaanka ee wadankaa iyo qaar ka mid ah siyaasiyiinta dalkaas ayaa ka biyo diiday oo si adag gaashaanka ugu dhuftay xukunkan iyaga oo nasiib daro aan la qabali Karin ku tilmaamay go aankan danbe ee ay maxkamadu kaga noqotay xukunkii hore maxkamadeed ee lagu mastaafurinayay eedaysanahan  dhallinyarada ah ee Soomaaliga, iyada oo Aabaha Inantan yar dhalay uu daboolka ka qaaday in goaankan danbe uu yahay mid laga wiswiso maadaama uu u fasaxayo  eedaysanahan danbigan aadka u foosha xun geystay in uu ku sii noolaan karo dalka Denmark.

Aabaha ilmaha dhibanaha ah dhallay ayaa ku tilmaamay wax laga yakhyakhsoodo in ninka falkan foosha xun sameeyay uu xadhigiisa ka dib ku sii noonlaado Denmark, siyaasiyiintuna waxaabay istaageen in culays lagu saaro maxkamada in aanay xukunkii hore ka noqon.

Cabdiqaadir Maxamed Ciid (Baay)

Go aankan oo ayaa ka danbeeyay ka dib markii Amnesty International ay daraad soo saartay codsi digniin ah oo ay Denmark kaga dalabtay in uu joojiyo qorshe uu si sandule ah dib ugu celinayo dalka Somaliya qaxoonti Soomaliyeed oo magangelyo doon ah oo ku sugan gudaha dalka Denmark.

Ku xigeenka Agaasimaha Hhay?adda Amnesty International u qaabilsan Afrika Sarah Jackson, ayaa uga digaycawaaqib xumadda iyo halista ka dhalan karta in Dawlada Denmark ay dadkan Soomaalida ah ee qaxoontiga ay si khasab dib ugu celiso dalka Somaliya oo aany ka jirin haba yaraatee nabadgelyo iyo kala danbayn la isku halayn karo.

Hay’adda Amnesty International, ayaa ugu baaqaydalka Denmark inuu ka tanaasulo qorshahaas dib u celinta qaxoontiga Soomaalida ah loona baahan yahay in Denmark ay qaadato go aan la mid ah kuwa ay qaateen wadamadda dhigooda ah ee Norway iyo Hollland ee ay ku joojiyeen qorshayaal ay ku damacsanaayeen inay magaaladda Muqdishu iyo qaybo kale oo ka mid ah wadanka Soomaaliya ay si khasab ah dib ugu celiyaan qaxoonti Soomaaliyeed oo ay ku qanci waayeen codsiyaddoodii magangelyo doonka ahaa, ka dib markii ay MaxkamadaYurub hore ugu mamnuucday in dib celiyo qaxoontigan dalka Soamaaliya.